Fasnachtsclique Dachluckespinner Oberdorf

Mir spinne sit 1960


Aktuell


Unterstütze uns bei der Migros Vereinsbon Aktion!

Diesen Frühling unterstützt die Migros Kulturvereine in der ganzen Schweiz und wir sind dabei!

 

Wir sammeln für neue T-Shirts

Unsere einheitlichen Cliquen-Shirts sind bereits in die Jahre gekommen und müssen nächstens ersetzt werden. Schon lange hegen wir zudem den Wunsch zusätzlich eine langärmlige Version zu beschaffen, um auch bei kühlerem Wetter einheitlich in Erscheinung treten zu können. Beide Anschaffungen sind aus eigener finanzeller Kraft nicht zu stemmen.

 

Du möchtest uns unterstützen? 

Auf dem Flyer unten sind alle Infos. 




Fasnacht 2024 - Wo mir a z treffe sin

Fasnachts Sunntig - mehr Infos bim FAKO

Umzug Oberdorf (Start 14:00)

Cliquenkeller - unsers Källerbeizli isch offe nach em Umzug (Hauptstross 35)

Fackelumzug Oberdorf (19:00) 

 

Fasnachts Mentig

Morgestraich

Gässle z Basel

 

Fasnachts Zistig

Gässle z Basel

 

Fasnachts Mittwuch

Ständeli im Gritt Niederdorf (15:00)

Gässle z Basel

 



Die vergangeni Fasnacht

Sujet Fasnacht 2023

Oder die Kulturen*li Aaeignig vom Weltall

Mir schriibe s Joor zwanzig-dreiezwanzig 

uf Ärde ischs do und dört chli ranzig 

abr eus isch das hüür ä bitz egal 

mir reise drum grad ins Wältaall!

 

Im Heilige Geischt eine Pfiffe 

oder eifach obe abe schiffe 

das het natürlich ä gwüsse Reiz 

isch aber nid dr Grund für eusi Reis. 

 

S' Interässe am ganze Universum 

stoht drum grad wieder im Zentrum Wüsseschaftler forsche überall 

nach N euigkeite im Wältall. 

Regiärige wei sich profiliere 

und hoffe, vo Vorteil z profitiere 

will uff dr Wält wird's immer änger 

s'politisch Klima wider stränger. 

 

Zum Herrschaftsglüscht chönne z'stille 

git's hütte leider no kei Pille 

drum will die toxisch Männlichkeit 

per Rageete in d'Unändlichkeit 

zum dörte go Planetli z'bsetze 

au wenn das nie wird öbbis nütze. 

 

Aber dr Wältruum bietet Möglichkeite 

und Hoffnig uf weniger Widrigkeite 

chriäge chame denn hinder Stäme 

D'Affe versorge uf Planete - fäme. 

 

Aber's Schöne an dr ganze Sach 

si wie in Etüüde vom Herr Bach 

die stellare Bildkompositione 

vo dene Teleskop-Impressione 

wo eus die Astronom*inne 

( do macht dä * tatsächlich Sinn) 

dank däm fliegende James Webb 

liifere deui diräkt ans Bett. 

 

D'Faszination vom Unbekannte 

wo's do git in allne Variante: 

Schwarzi Löcher, stellari Wind 

Meteorite fascht liächtgschwind 

Begleitgalaxiä und Sunnefüür 

das z'entdecke, si no Abentüür. 

 

Spannend si au eso Spiilereie 

wo ufem Mars deui umme gheie 

und uff em Mond do will me pflanze 

Gmües wo nümme pfifft im Ranze. 

Oder so himmlischi Spinnenetz 

wo besteui gmäss chemische Gsetz 

Us polyzyklisch aromatische Cholewasserstoff-Gas do frage mir nur - wie bitte, was? 

 

Bi aller Freud für neui Wälte 

was duet dr Mensch dört au no gälte? Uf Planete wo nüt isch 

weisch do no, wär du dört bisch? Gits dört usse no meh Lääbe 

wo au duet dure Wältruum schwääbe? Was isch so los ufWolf-Nüünesächzig isch d'Fasnacht dörte au so prächtig? Oder gits das in däm Wältall do numme grad bi eus eso? 

 

So grossi Froge deui eus plooge 

Zum meh erfahre, müemmr's wooge 

Und grad s'negschte Schöttel neh s'Universum mol vo Nöchem gseh. 

 

Will per Aahalter durd Galaxis 

isch hütte fang ä gängigi Praxis 

au dr Elon Musk und Jeffii Bezos investiere ihri zville Pesos 

drum in eigeni Rageetli 

und bringe Wemi, Sepp und Beetli

und alli wo das zale wäi 

ins Wältall, und leider au wieder hei. 

 

Jo wemme gseht, wär hüt eso 

als Exponänt vo dr Ärde do 

dä unschuldig Kosmos will bereise 

dänke d'Aliens, diä häi e Meise. 

 

Drum starte mir ä neu'Mission 

ä kamevalistischi Invasion 

zur Aaeignig, dr kulturell 

vom ganze Wältall universell! 

Aber wär do wär so aaeigne wird 

isch nid ganz klar - mir si verwirrt. 

 

Aber vorbereite cheu mir eus guet 

In d'WB stiige brucht öbbe glich vill Muet will in däm iis-chalte Ruumschiff-Interiör immer in Begleitig vomene Spezial-Montör chasch mit High-Speed s'Tal abeflitze S'isch fascht wie inere Rageete sitze. 

 

Und trotz de höche Gschwindigkeite 

gits do wie dört no Schwirigkeite 

will bis zur nöchschte WB*-Station 

isch es wie n'ä Apollo-Mission 

will Reise in d'Unändlichkeit 

gönge halt immer än Ewigkeit.

 

Schwierig isch au euse negschti Tescht 

au wenn me seit, es gäb es Fescht 

füehrt euse Umzug, s'isch e Wahn 

neu über d'Oberdörfer Umlaufbahn 

und mit settige Schöttel-Rageete 

direkt uf ganz abgläägeni Planeete. 

Das schiint eus eender unerforscht 

drum laade mir in Clique-Harscht 

und hoffe, es git denn dött wie do 

ä villfältigi Fasnacht - jo dr no! 

 

Jo d'Fasnacht macht eus chli schwerelos trotz wunde Händ und Scheiche gohts famos die negschti Mission chunnt au scho gli drum chumm mit und stiig ins Ruumschiff ii.

 

*WB = Weltraumbasis und/oder Waldenburgerbahn...